Gunesh - Река Туни скачать mp3

TÜNI DERÝA Alty aýlyk ýoldan gelip, ýol aşyp, Tüni derýa, senden Garyp ötdümi? Meniň üçin hijr oduga tutaşyp, Tüni derýa, senden Garyp ötdümi? Takatym ýok munda ýarsyz galmaga, Ajal gelmez tenden janym almaga, Şikeste halymdan habar bilmäge, Tüni derýa, senden Garyp ötdümi? Meniň munda ýokdur ýarsyz kararym, Hiç kim bilen bolmaz söhbet bararym, Tirikligim, aýşym-hoşum, mydarym, Tüni derýa, senden Garyp ötdümi? Meniň ýarym gitdi Halap-Şirwana, Ygtykat etmedi ähdi-peýmana, Indi senden sorag salsam gaýbana, Tüni derýa, senden Garyp ötdümi? Senem diýr, pyraka tapmadym hile, Taňrynyň haky üçin rastyňy söýle, Ýar bilen ötende, akmazdyň beýle, Tüni derýa, senden Garyp ötdümi?